Juventus po përgatitet për ndeshjen e Champions League kundër Club Brugge, por nuk lë jashtë vëmendjes as kampionatin, pasi pas pak ditësh do të jetë ndeshja e madhe e Serie A kundër Napolit kryesues, e cila do të luhet në ‘Diego Armando Maradona Stadium’, të Fuorigrotta.
Mirëpo në prag të këtij angazhimi të dyfishtë, Thiago Motta mund të buzëqeshë, sepse ka rikuperuar tre titullarë, siç u zbulua gjatë orëve të fundit nga redaksia e Sky Sport: “Mund t’ju japim një lajm të mirë: McKennie, Yildiz dhe Conceicao ishin në dyshim për shkak të disa shqetësimeve, por kanë zhvilluar stërvitje në grup dhe ne po shkohet drejt grumbullimit për ndeshjen e kupës. Do të jenë, me siguri, kundër Napolit”, ka zbuluar gazetari Paolo Aghemo.
Ndërkohë, Juventus vazhdon të lëvizë në merkato: “Në linjë të parë mbrojtësi. Pëlqehet Fikayo Tomori në huazim me detyrim blerjeje, por nuk është e thënë që do të mbërrijë. Ndërkohë që Milani po ndjek Kyle Walker nga Manchester City, i cili mund ta japë anglezin në huazim pa pagesë me të drejtë blerjeje që mund të ushtrohet në verë.